Meray Liye To Hurf-e-Duaa Ho Gaya Wo Shakhs
Saray Dukhon Ki Aisi Dawa Ho Gaya Wo Skakhs
Mein Aasmaan Tha To Zameen Ki Kashish Tha Wo
Utra Zameen Pr To Hawa Ho Gaya Wo Shakhs
Sochon Bhi Ab Usay TO Takhyul Ke Par Jalay
MujhSe Judaa Hua To Khuda Ho Gaya Wo Shakhs
Sab Askh Pee Gaya Meray Ander Ka Aadmi
Mein Khusk Ho Gaya Hoon Hara Ho Gaya Hai Wo Shakhs
Mein UsKa Haath Dekh Raha Tha Ke Dafatan
Simat Simat Ke Rang-e-Hina Ho Gaya Wo Shakhs
Phirta Hai Le Ke Aankh Ka Kashkol Darbadar
Dil Ka Bharam Luta To Gadaa Ho Gaya Wo Shakhs
Parhta Tha Mein Namaz Samajh Ke Jisay Farz
Phir Yun Hua Ke MujhSe Qaza Ho Gaya Wo Shakhs
Subscribe to:
Post Comments (Atom)
No comments:
Post a Comment