chehray pe mere zulf ko phailao kisi din
kia rooz garajtey ho baras jao kisi din
razoon ki tarah utro mere dil main ksi shab
dastak pe mere haath ki khul jao kisi din
peiroon ki tarah husn ki baarish main naha loon
baadal ki tarah jhoom kr ghar aao kisi din
khushbo ki tarah guzro meri dil ki galli se
phuloon ki tarah mujh pe baras jao kisi din
phir haath ko khaira'at mile band-e-qaba ki
phir lutf-e-shab o wasal ko duhrao kisi din
guzrey jo mere ghar se tau ruk jayein sita'arey
is tarah meri raat ko chamkao kisi din
main apni har ik saans isi raat ko de dun
sar rakh ke mere seenay pe so jao kisi din
Subscribe to:
Post Comments (Atom)
No comments:
Post a Comment